Përmbyllët projekti i BE-së për të drejtat e pronës intelektuale
Ky projekt ka mbështetur kryesisht Agjencinë e Pronësisë Industriale (API) në kuadër të Ministrisë së Tregtisë dhe Industrisë dhe Zyrës për të drejtën e autorësisë dhe të drejtat e ndërlidhura (ZDADN) në kuadër të Ministrisë së Kulturës, Rinisë dhe Sportit.
Përveç këtyre, nga projekti për API janë mbështetur drejtpërdrejt edhe autoritetet e sundimit të ligjit, si Doganat, Policia, Inspektorati i Tregut, Gjyqësori.
Ky projekt ka kontribuuar në përputhshmërinë e legjislacionit të PI-së në Kosovë me acquis të BE-së, ka fuqizuar kapacitetet administrative të API-së dhe ZDADN-së si dhe kapacitetet e institucioneve të zbatimit të ligjit.
Ai ka rritur edhe vetëdijesimin për të drejtat e pronës intelektuale në mesin e mbajtësve të të drejtave, shkollave/universiteteve dhe publikut në përgjithësi.
BE-ja kishte mbështetur Zyrën e Patentës në vitin 2007 me një projekt 1 milion eurosh që ka vazhduar deri në maj të vitit 2011.
Projekti i fundit kishte një vlerë prej 1, 3 milionë eurosh dhe ka mbuluar një periudhë prej 33 muajsh.
