Prishtinë, 17 shtator - Wiki Loves Monuments (Wiki i do Monumentet) është një konkurs ndërkombëtar i fotografive të monumenteve, i organizuar ne nivel global nga Wikimedia në mbi 40 vende të botës.

Wikimedia është Fondacioni që qendron mbrapa enciklopedise së lirë Wikipedia, me autorë vullnetarë nga e gjithë bota. Trashëgimia kulturore është një pjesë e rëndësishme e dijes që Wikipedia mbledh dhe shpërndan. Të gjithë mund të kontribuojnë me imazhe, apo të shkruajnë artikuj.

Një imazh vlen sa një mijë fjalë, në çdo gjuhë në të njëjtën kohë, dhe entuziastët vendas mund të (ri)zbulojnë rëndësinë kulturore, historike, apo shkencore të rrethinës së tyre.

Nga viti 2012, komunitetet vullnetare të Wikipedia-s, cdo shtator organizojnë një konkurs kombëtare të fotografisë se bashku me njerëz dhe instucione të vullnetit te mirë , me qëllim të promovimit të trashëgimisë dhe kulturës së tyre, në gjithë boten. Këtë shtator për herë të parë organizaohet edhe në Kosovë dhe Shqipëri nga FLOSSK dhe Open Labs Albania.

Organizatorët -- FLOSSK në Kosovë dhe Open Labs në Shqipëri -- të mbështetura nga Institutet për Mbrojtjen e Monumenteve të Ministrive të Kulturës të të dy vendeve dëshirojnë të promovojmë trashëgiminë dhe kulturën e tyre në të gjithë botën nëpërmjet këtij konkursi duke lehtësuar çasjen në formë digjitale në monumentet e tyre kulturore.

Ky konkurs përkon edhe me ditët e trashëgimise Europiane ne Kosovë që fillojnë me date 19.9.2014 ne Institutin për Mbrojtjen e Monumenteve të Kosovës.

Nga mesi i shtatorit për një muaj rresht kjo garë zhvillohet paralelisht në, Kosovë dhe Shqipëri. Rezultatet e përbashkëta nga konkursi kombëtar do të publikohen me 26 tetor.

Nga ky konkurs do të përzgjedhën 10 foto me të mira nga të dy vendet me qëllim të pjesëmarrjes në konkursin ndërkombëtar. Këto fotografi pastaj gjykohen nga juria e Wikimedia-s, e cila do të shpërblen imazhet më të mira nga të gjitha vendet pjesëmarrëse. Rezultatet e garës bëhen të ditura në muajin dhjetor.

Organizatorët për Kosovë dhe Shqipëri, kanë bërë të qasme listat e monumenteve të të dy vendeve, në faqen e internetit wikilovesmonuments.al. me rregullat dhe shpjegimet e nevoshme për pjesëmarje.