Prishtinë, 10 shkurt - Filmi i shkurtër “ONNSide” me skenar nga Afrim Muçaj dhe regji nga Valter Lucaj fillon xhirimet nesër.  Kuadri i parë do të xhirohet në shkollën “Xhemajl Mustafa” në Dardani me fillim prej orës 14.

“ONNSide” flet për Arbenin, një 17 vjeçar, i cili befasisht përzgjidhet dhe ftohet nga një seleksionues spanjoll për të bërë një test futbolli në një ekip të Spanjës. Në këto rrethana të krijuara ne shohim djaloshin në konfuzion dhe dilemë të madhe ndërmejt, ëndrrës së tij, “Topit” dhe dashurisë së tij Emas.

Filmi është i ndërtuar mbi 3 personazhe kryesore të cilët pasqyrojnë gjendjen e shoqërisë kosovare, histori të shumta që kanë ndodhur me kosovarët duke emigruar ilegalisht në botë e duke kërkuar mundësi me të mira për jetë, mirëpo në shumicën e rasteve ka ndodhur që të ngelen në gjysmën e rrugës tragjikisht.

Në rolet kryesore janë: Blin Sylejmani, Rita Krasniqi, Xhevdet Doda, Gani Rrahmani, Shqipe Gashi, etj

Ky film është prodhim i shtëpisë filmike “AM” me producent Adrian Morina dhe është i mbështetur nga Qendra Kinematografike e Kosovës.