Oslo, 10 janar - Në Norvegji do të mbahet një koncert krejtësisht i pazakontë i muzikës së akullt. Instrumentet, me të cilat do të luajnë pjesëmarrësit e tij, do të gdhenden prej akulli vetëm disa orë para fillimit të shfaqjes.

Kohëzgjatja dhe cilësia e tingëllimit të vetë koncertit do të varen nga moti.

Bienalja Ice Music do të zhvillohet në resortin e skive malore Geilo nga 16-19 janar. Vizitorët do të kenë mundësi të dëgjojnë muzikë jazz, folk dhe klasike, të ekzekutuar në instrumente të shumëllojshme prej akulli - harpë, violonçel, kitarë, vegla muzikore me perkusion.