Prishtinë, 18 maj - Për nder të Ditës Ndërkombëtare të Muzeve, Muzeu i Kosovës organizon një sërë aktivitetesh nën emërtimin “Muzeu 360o”, duke synuar të rrisë ndërgjegjësimin mbi rëndësinë e muzeve në zhvillimin e shoqërisë.

Aktivitetet fillojnë sot dukenga ora 09:00 deri në orën 02:00, në Lapidariumin e Muzeut të Kosovës.

Do të ketë Programe edukative interaktive “ABC për trashëgiminë kulturore” dhe “Lojërat e gjyshërve tanë” - Fëmijët nga kopshtet e Prishtinës grupmosha 4-6 vjeç.

Për nder të kësaj dite do të behët ndarja e mirënjohjeve për të gjitha shkollat pjesëmarrëse në programet edukative gjatë vitit në Muzeun e Kosovës.

Po ashtu shfaqet përformanca nga nxënësit e klasave të VIII - IX të shkollës së muzikës “ Prenk Jakova” dhe shkollës së muzikës “ Misbah& Friends”, pjesëmarës në këtë aktivitet janë të gjithë nxënësit nga sh.f të Prishtinës që ishin në programet edukative gjatë vitit në Muzeun e Kosovës.