Prishtinë, 23 tetor - Muzeu i Kosovës, do të mirëpret sot Shoqatat e të Verbërve të Komunave të Kosovës, për nder të ”Javës Ndërkombëtare të Shkopit të Bardhë".

Përmes aktiviteteve interaktive, edukatoret muzeore do të asistojnë pjesëmarrësit në krijimin e imazheve të prekshme dhe modelimin e eksponateve të muzeut.

Muzeu i Kosovës, ka për qëllim të promovojë qasjen në institucione dhe ngjarje kulturore dhe integrimin social të personave me nevoja të veçanta.