MKRS ndanë edhe 80 mijë euro për Koloninë e Artistëve
Prishtinë, 30 shtator - Ministria e Kulturës, Rinisë dhe Sportit ka ndarë edhe 80 mijë euro për përfundimin e punimeve në objektin e Kolonisë së Artistëve në fshatin Bardhosh të Komunës e Prishtinës.
Për këtë sot, Sekretari i Përgjithshëm, Veton Firzi ka nënshkruar një Memorandum Bashkëpunimi me Gani Dulin nga Qendra e Arteve të Kosovës.
Përmes Memorandumit, mjetet financiare në vlerë prej 80 mijë euro do të shfrytëzohen për ndërtimin e mbulesës ( kulmit ) të objektit të Kolonisë së Artistëve.
Sekretari Firzi tha se më këtë MKRS po e tregon edhe një përkushtim për të krijuar sa më shumë hapësirë për artistët.
Ai tha se rritja e mbështetjes për skenën kulturore të pavarur do të vazhdojë.
Nga ana e tij, Gani Duli falënderoi MKRS-në që ka qenë mbështetësi kryesor në krijimin e kësaj hapësire mjaftë të rëndësishme për artistët.