Prishtinë, 26 shkurt - Ministria e Kulturës, Rinisë dhe Sportit (MKRS) ka njoftuar se sot në Parkun arkeologjik "Ulpiana" do të mbahet ceremonia e ndarjes së çmimeve në fushën e trashëgimisë kulturore.

Çmimet që ndahen janë: Çmimi për Veprimtari Jetësore në Fushën e Trashëgimisë Kulturore “Dea Dardanicae”, Çmimi Vjetor për Merita të Veçanta “Shtjefën Gjeçovi”, Çmimi Vjetor për Veprën Shkencore “Zef Mirdita” dhe Çmimi vjetor për Menaxhim Institucional “Muhamed Shukriu”.