Shkup, 30 qershor - Disa nga mediat maqedonase kanë shkruar se ylli botëror i muzikës pop, Shakira është me origjinë maqedonase, nga ana e babait.

Mediat maqedonase nuk kanë dhënë detaje mbi origjinën e këngëtares së mirënjohur, e cila është nga Kolumbia. Sipas të dhënave skandaloze të siguruara, thuhet se Shakira ka gjysmë origjinë maqedonase dhe gjysmë kolumbiane.

Ashtu siç thuhet nga thashethemet e mediave, ajo ka një baba gjysmë libanez dhe gjysmë maqedonas, por asgjë nuk thuhet se nga është krijuar ky heterogjenitet.

Javën e kaluar ajo u takua në Jerusalem me presidentin maqedonas Gjorgje Ivanov në kuadër të Samitit të ambasadorëve të vullnetit të mirë të organizuar në Izrael.