Prishtinë, 13 tetor - Zyra për të Drejta e Autorit dhe të Drejta e Përafërta, në bashkëpunim me Institutin Gjyqësor të Kosovës dhe Komisionin Evropian - programi TAEIX, organizon punëtorinë dy ditore me temën “Përgjegjësia Penale për Shkeljen e të Drejtave të Autorit”.

Kjo punëtori organizohet për gjyqtarë, prokurorë, policë dhe avokat. 

Qëllimi i punëtorisë është ngritja e njohurive në fushën e të drejtës së autorit dhe të drejtave të përafërta si dhe njohja me praktikat më të mira të vendeve të Bashkimit Evropian me zgjidhjen e rasteve të shkeljes së drejtës së autorit dhe të drejtave të përafërta.

Punëtoria dy ditore do të mbahet sot dhe nesër në Hotel “Afa”.