Prishtinë, 21 shtator - Kontributi i kulturës në zhvillimin e shoqërisë demokratike është fokusi i konferencës regjionale "Strengthen·ing Culture" që do të mbahet sot dhe nesër në Prishtinë.

Konferenca me titull "Strengthen·ing Culture" do të mbledh zëra regjional dhe ndërkombëtar për të vlerësuar qasjet strategjike të cilat e zhvillojnë sistemin kulturor në përgjithësi i cili njëherit edhe është fundamental për zhvillim të qëndrueshëm të shoqërisë.

Konferenca do të mundësoj për pjesëmarrësit të ndajnë historitë dhe praktikat si dhe të reflektojnë në mënyrë active në sfidat aktuale dhe potencialin për fuqizimin e kulturës në shoqërinë e Kosovës dhe Ballkanit në përgjithësi.

Konferenca dy ditore do të mbahet nën kornizën e projektit \"Culture for All\", faza e III-të e financuar nga BE-ja me një shumë prej një milion dollarësh.

Qëllimi i përgjithshëm i këtij projekti është të kontribuoj në zhvillimin socio-ekonomik të Kosovës, përmes promovimit të aktiviteteve kulturore që i shërbejnë një spektri të gjerë të komuniteteve në Kosovë.

Projekti gjithashtu mbështet aktivitetet të cilat e rrisin interaktivitetin midis fëmijëve prej komuniteteve dhe prapavive të ndryshme.