Prishtinë, 14 korrik - Elizabeta Krasniqi dhe Blerim Emerllahu, Bardhyl Abazi, Artan Hasani, Fitim Halimi e Premton Maliqi, anëtarë të grupit “Black Shoes Band” pak ditë më parë e kanë edituar këngën “Limonada”, të cilës edhe ia kanë realizuar videoklipin.

Premton Maliqi, i cili njëherësh është basist në grup, ka treguar se meqë tani jemi në stinën e verës, ata kanë menduar se kënga duhet të ketë si temë diçka më verore, prandaj ia kanë vënë titullin “Limonada”.

“Muzikën e ka bërë Artan Hasani, tekstin Visar Emerllahu . Sa i përket zhanrit të muzikës e kemi bërë një lloj miksimi të rrymave, sepse kënga përmban disa elemente regmuzike të Ballkanit dhe me një ritëm të gjallë”, ka theksuar ai.

Maliqi ka bërë me dije se xhirimet e spotit janë realizuar në Ohër dhe në Strugë nga produksioni “Illija”.

“Paraqitja e parë e bendit \'Black Shoes Band\' ka qenë në shtator 2012 dhe pas një kohe të shkurtër filloi edhe bashkëpunimi me këngëtaren Elizabeta Krasniqi nga Prizreni.\"

\"Bendi përbehet nga: Blerim Emerllahu, klarinetë, Bardhyl Abazi, kitarë, Artan Hasani, klaviaturë, Fitim Halimi, korno, Premton Maliqi, bateri. Këngët e vjetra qytetare dhe argëtuese shqipe dominojnë ne repertorin tonë, zakonisht të përpunuara në ngjyrën dhe në stilin tonë, por nuk mungojnë as këngët e huaja.\"

\"Respekti, puna dhe serioziteti janë arsyet që ne funksionojmë në mënyre perfekt si bend. Kjo mund të shihet edhe prej angazhimeve të shumta që kemi nëpër organizime të ndryshme”, ka thënë ai.

Sipas tij, pritet këto ditë të fillojë puna për projektin e ri. “Për këtë këngë kemi bashkëpunuar me kompozitorin e madh Florent Boshnjaku, i cili ka bërë një punë shumë të madhe dhe kjo këngë shumë shpejt do të lansohet me një supervideoklip”, ka thënë ai.