Prishtinë, 15 gusht - Këshilli Rinor i Ambasadës Amerikane në partneritet me Innovation Centre Kosovo (ICK) ju ftojnë të përcjellni hapjen e edicionit të dytë të Festivalit të Filmit amator për të rinj “Youth Film Fest 2016”.

Hapja e festivalit bëhet sot duke filluar nga ora 19:00 në ambientet e ICK-së.
  
Eventi do te përcillet me fjalime hyrëse nga Drejtori Gjeneral i ICK-së, z. Uranik Begu si dhe Presidentja e Këshillit Rinor të Ambasadës Amerikane, znj. Diellza Malazogu.

Ne vijimësi të eventit, do të prezantohen temat për edicionin e vitit 2016 si dhe informata shtesë rreth misionit dhe vizionit të festivalit.

Ky festival është jetësuar në vitin 2015 me qëllim të promovimit të aftësive dhe kreativitetit të të rinjve në fushën e filmit, në të cilin ftohen të gjithë që të aplikojnë me idetë e tyre rreth temave të cilat përcjellin mesazh pozitiv në shoqërinë kosovare.

Temat e festivalit për vitin 2016 jane këto: “ Fuqizimi i te rinjve”, “ Gratë në Biznes” dhe “Teknologjia, mjedisi dhe shoqëria”. Ftohen të gjitha mediat që të përcjellin këtë ngjarje.