Bankok, 6 tetor - Naile Thaçi nga Gjilani dhe Vivian Canaj nga Tirana, dy bukuroshet shqiptare që do ta përfaqësojnë Kosovën e Shqipërinë në garën e bukurisë “Miss Grand International”, janë futur në top 20 favoritet.

“Miss Grand International” do të mbahet më 7 tetor në Bankok të Tailandës dhe në të do të marrin pjesë shumë konkurrente nga shumë vende të botës. Producenti i “Lens production”, njëherësh edhe producent i të dyja vajzave, Sherif Pacolli është shprehur i lumtur që ai ka marrë licencën për përfaqësimin e të dyja vendeve në këtë garë bukurie.

Ai i ka kritikuar institucionet e Shqipërisë edhe të Kosovës, të cilat, sipas tij, kanë dhuruar shumë pak mjete për ta ndihmuar në pjesëmarrjen në “Miss Grand International.