Pekin, 17 dhjetor - Shoqata e Studentëve të Rikthyer nga Evropa dhe SHBA-ja organizoi në Pekin konkursin për zërin më të bukur nga Evropa Qendrore e Lindore ku morën pjesë mbi 200 diplomatë të huaj në Kinë, studentë dhe nga qarqe të ndryshme.

Kori i shqipfolësve fitoi çmimin e parë për zërat më të bukur në interpretimin e një kënge partizane dhe të këngës \"Ti më je si një gonxhe\".

Në përbërje të jurisë së konkursit ishte dhe ambasadori i Shqipërisë në Kinë, Kujtim Xhani kurse ambasada e Shqipërisë kontribuoi në përgatitjen e korit të shqipfolësve.

Në jurinë e konkursit morën pjesë 9 diplomatë nga 7 vende të Evropës Qendrore e Lindore.