Paris, 13 qershor - Këngëtarja e suksesshme amerikane, Katy Perry ka folur për lidhjen e saj me aktorin e njohur britanik Russell Brand. Këngëtarja e re mendon se lidhja e saj me Russell Brand, i ka ndihmuar të krijojë më shumë vetëbesim.

Perry shprehet se nuk është e interesuar aspak se çfarë mendojnë njerëzit për të. Këngëtarja amerikane që është në lidhje me komikun britanik, nuk brengoset më për atë që thonë njerëzit, pasi ajo ndjen se ka përkrahje nga i dashuri i saj.

"Është e komplikuar, por kur dashuroheni dhe keni dikë që ju mbështet vërtet, ju ndaloni së brengosuri për makijazhin apo për atë se çfarë thonë njerëzit për ty, sepse personi që ju do, ju mbështet me dashuri", theksoi Perry.