Nju Jork, 25 dhjetor - Modeluesja e famshme Kate Upton, jo vetëm që fitoi epitetin si “femra më seksi në botë” dhe jo vetëm rezultoi sivjet si modeluesja më e kërkuar në “Google” për vitin 2014, por ajo tashmë ka treguar edhe anën e saj humoristike.

Bukuroshja u shpall si femra më seksi në botë për 2014 nga revista “People” dhe shfrytëzoi rastin të bëjë shaka me vëllanë e saj. “Shumë më vjen keq për vëllanë tim tetëmbëdhjetë vjeçar. I ngrati David”, ka thënë Upton.

Më vonë, Kate ka shpjeguar se pse i ka kërkuar falje vëllait. “Mund të imagjinoni se si ndihet një tetëmbëdhjetë vjeçar, kur motra e tij më e vjetër shpallet si femra më seksi në botë. Nuk e ka të lehtë, edhe pse ai kurrë nuk është ankuar”, ka thënë modeluesja.