SHBA , 17 korrik - Ylli i muzikës pop Janet Jackson është imazhi i ri i kompanisë "BlackGlama", duke iu bashkëngjitur kështu emrave, si Elizabeth Taylor, Audrey Hepburn dhe Diana Ross që kanë përfaqësuar këtë kompani në të kaluarën.

Këngëtarja e hitit "Rhythm Nation" do të udhëheqë fushatën e kësaj kompanie të emëruar "What Becomes a Legend Most?", ndërsa reklamat do të fillojnë të shfaqen nëpër shtyp dhe në afishe nga muaji shtator.

Shefi ekzekutiv i kompanisë, Joe Morelli, ka thënë se "Janet është një ikonë në botën e muzikës dhe argëtimit, një legjendë e vërtetë".

Sipas tij, ajo përfaqëson gjithçka që është e nevojshme për këtë fushatë reklamuese.