Prishtinë, 21 dhjetor - Sot në ambientet e Pallatit të Rinisë dhe Sportëve do të hapet“Arti – Zëri i së drejtës sime”, ekspozitë kjo me karakter humanitar.

Qëllimi i ekspozitë është edukimi publik, konkretisht ngritja e vetëdijës qytetare – përmes artit dhe kulturës – rreth të drejtave dhe lirive themelore të njeriut.

Falë bashkëpunimit dhe mbështetjes së mbi 20 shkollave fillore dhe të mesme të Prishtinës – është arritur inkurajimi i të rinjëve dhe mobilizimi i resurseve kreative për t’i artikuluar në mënyrë artistike kërkesat apo nevojat e qytetarëve në fushën e të drejtave dhe lirive themelore të njeriut.

Siç është cekur tashmë – ekspozita do të ketë karakter humanitar – dhe me këtë rast do të zhvillohet një ankand modest për shitjen e pikturave, me qëllim që të gjitha mjetet e mbledhura nga ky event të adresohen në blerjen e librave dhe materialeve shkollore për fëmijët në asistencë sociale, fëmijët e braktisur dhe ata të keqtrajtuar. Fëmijët në fjalë vijojnë mësimet në shkollat e Prishtinës, ku dhe këto të fundit kanë bërë identifikimin e tyre.

Ekspozita do të përcjellet nga tingujt e violinës dhe vlen të theksohet se për secilën pikturë do të keni rastin të lexoni nga një ese e cila reflekton shpirtësinë e saj.

Në këtë ekspozitë do të marrin pjesë personalitete të larta të institucioneve shtetërore, OSHC-ve, aktiviste të të drejtave të njeriut, piktorë, shkrimtarë, etj.