Pejë, 15 nëntor - Sot në mënyrë solemne u bë hapja e festivalit ndërkombëtar të filmave për bjeshkatari Reel Rock Tour. Reel Rock Tour që është një ngjarje me origjinë amerikane që në formë të franqizes ndodhë çdo vit në shumë vende të botës.

Këtë vit kjo ngjarje per herë të parë organizohet edhe në Kosovë me ndihmën e Ambasadës Amerikane në Kosovë, Telegrafit dhe sponzorëve tradicional të ngjarjes Wind Stopper Gore Tex, The North Face dhe Bar Clif.

Në konferëncën për media të organizuar për hapjen solmene ishin të pranishëm Drejtori i Festivalit Birol Urcan, Kryetari i komunës së Pejës Gazmend Muhaxheri dhe Kryetari i Organizatës Marimangat e Pejës Nol Krasniqi.

Drejtori i “Reel Rock Tour Peja” Birol Urcan mendon se ky organizim përputhet në mënyrë të natyrshme me Pejën për shkak të traditës së bjeshkatarisë dhe bukurive natyrore që i ka” Reel Rock Tour do të jetë një atrakcion unik në nivel vendi dhe presim shumë mysafir që shpresojmë se do të mbeten të kënaqur dhe do të  na vizitojnë në edicionet e rradhës” pohon Urcan.

Nga ana tjetër Kryetari Komunës së Pejës, Gazmend Muhaxheri ka pohuar se kjo ngjarje dhe ngjarje të tilla janë shumë të rëndësishme për zhvillimin e turizmit në komunën ë Pejës” Ne si komunë e konsiderojmë turzimin si një ndër sektoret prioritare per zhvillimin ekonomik në Komunën e Pejës, sepse Peja me bukuritë natyrore që i ka përbën një ndër atraksionet e rradha per Turizëm në Kosovë dhe me gjërë” ka shtuar Kryetari Muhaxheri.

Kryetari i Shoqatës Marimangat e Pejës Nol Krasniqi ka falenderuar sponzorin kryesor të festivalit Ambasadën Amerikane per mbështetjen  dhe ka theksuar se qëllimi i Marimangave është që ky festival të shëndrrohet në një traditë per qytetin” Besojmë se kjo ngjarje do të kontribuojë në zhvillimin  e mëtutjeshëm të kulturës së bjeshkatarisë dhe ngjitjes jo vetëm në Pejë por edhe në nivel kombëtar” ka shtuar Krasniqi.

Reel Rock Tour organizohet nga klubi i ngjitjes Marimangat e Pejes dhe Hiking Njeri ku gjatë dy ditëve do të shfaqet filmi The Valley Uprising, do të organizohen sheti në shtigjet rreth Pejës, në Via Ferrata \'Ari\' dhe do të diskutohet për zhvillimin e sporteve të avanturës si mundësi e zhvillimit të turizmit në qytetin afër bjeshkëve të nëmuna.

Në ditën e parë  Reel Rock Film Tour është shfaqur filmi i shumëpritur “Valley Uprising” që është një tregim i pathënë më parë për kontrakulturën amerikane të bjeshkëve të Yosemite. Për pesëdhjet vite bjeshkët Yosemite kanë tërhequr hulumtues dhe njerëz të “çmendur”, të cilët kanë hekë dorë nga jeta materiale dhe kanë shkuar e kaluar kohë në gurët e granitit.