Prishtinë, 10 qershor - Galeria Kombëtare e Kosovës njofton të gjithë nxënësit dhe studentet e fushave të artit, rrjedhimisht studentet e Fakultetit të Arteve të Bukura të Universitetit të Prishtinës, Shkollës së Mesme të Arteve Aplikative në Pejë ‘Odhise Paskali’, dhe shkollës së artit pamor në Gjilan se nga sot, e mërkure, 10 qershor, në hapësirat e Galerisë Kombëtare të Kosovës mund të vijnë të marrin publikimet e ndryshme të GKK gjatë viteve të fundit.

Koleksioni i publikimeve përbehet nga katalog të ekspozitave personale apo retrospektive të artisteve të ndryshëm Kosovar, katalog të ekspozitave grupore ndërkombëtare dhe publikime dhe libërtha të ndryshme të Galerisë Kombëtare të Kosovës ndër vite.

Studentët mund të vijnë të marrin publikimet nga data 10 – 12 qershor prej ores 10:00 deri ne 16:00 në Galerinë Kombëtare të Kosovës. Ata duhet të jenë në posedim të një letërnjoftimi si dëshmi se janë student të këtyre shkollave dhe fakulteteve.