SHBA, 24 shkurt - Aktori i njohur me famë botërore Harrison Ford është i gatshëm të pranojë pagë më të ulët për punën e tij, pasi aktori është i vetëdijshëm se sa vështirë është të realizohet një film në momentet aktuale ekonomike të industrisë së filmit.

"Kjo është puna ime, dhe nuk kam punë tjetër. Ky është zanati im në të cilin unë kam shpenzuar dhe jam përkushtuar gjatë gjithë jetës sime. Për ta bërë këtë punë duhet të paguhem, përndryshe nuk jam i përgjegjshëm dhe nuk e vlerësoj se çfarë bëj për të jetuar", ka thënë aktori 67-vjeçar.

Ford ka pranuar se e ka ulur pagën duke kuptuar realitetet ekonomike për realizmin e filmave, siç është filmi i tij më i ri "Extraordinary Measures".