Prishtinë, 25 korrik - Edhe sivjet, për herë të pestë, në kuadër të manifestimit “Ditët e Diasporës”,  Ministria e Diasporës e mban finalen e kuizit të diturisë  “Ta njohim atdheun ”.

Përmes këtij kuizi, nxënësit e mësimit plotësues në diasporë  do t‘i tregojnë njohuritë e tyre nga fusha e arsimit.

Qëllimi kryesor i  kuizit është njohuria për identitetin shqiptar, lidhja mes fëmijëve nga diaspora dhe atyre nga Kosova,  sensibilizimi i shoqërisë për përgjegjësinë dhe përkujdesjen për mërgatën.

Në finale do të marrin pjesë nxënës  garues  nga 6 shtete: nga Austria, Zvicra, Gjermania, Suedia, Greqia  dhe Sllovenia.  Secili vend do të përfaqësohet nga 3 nxënës.

Pjesëmarrësit e kësaj gare janë fitues të garave të mbajtura në shkollat shqipe të mësimit plotësues në diasporë.