Los Angeles, 23 shkurt - Filmi polak “Ida” e ka fituar çmimin Oscar për filmin më të mirë në gjuhë të huaj në ceremoninë që është mbajtur në Los Angeles.

I drejtuar nga Pawel Pawlikowski, filmi bardh e zi tregon ngjarjen e një murgeshe në vitin 1962, e cila mëson se është një jetime çifute.

Filmi “Ida” e ka mundur filmin rus “Leviathan”.

Filmi më i mirë gjatë ndarjes së çmimeve Oscar është shpallur filmi “Birdman”.

Ceremonia e 87-të e ndarjes së çmimeve Oscar është mbajtur në teatrin Double në Hollywood të Shteteve të Bashkuara.