Hollywod, 11 nëntor - Filmi “Spectre” me protagonist James Bond ka thyer një rekord në Librin “Guiness” për shpërthimin më të madh të eksplozivit.

Shpërthimi i filmuar në qytetin Erfoud të Marokut u regjistrua në muajin qershor. BBC shkruan se, për të u përdorën 8418 litra lëndë djegëse dhe 33 kilogram eksploziv, duke u cilësuar si shpërthimi më i madh i krijuar në një film.

Producentja e filmit, Barbara Broccoli dhe yjet e filmit Daniel Craig dhe Lea Seydoux, që ishin paraqitur në skenë, pranuan certifikatën e rekordit.

Efektet speciale në këtë film janë bërë nga fituesi i çmimit “Oscar”, Chris Corbould.