Prishtinë, 25 korrik - Sonte, nga ora 21:00 në amfiteatrin e Sheshit “Zahir Pajaziti” në Prishtinë, starton Java e Filmit të Diasporës shqiptare, ku do të shfaqet filmi “Në tokë të huaj”, me regjisor Hamdi Arifaj, bashkatdhetar yni nga Suedia.

Ministria e Diasporës, për herë të parë gjatë aktiviteteve në kuadër të Ditëve të Diasporës dhe Mërgatës, ka filluar Javën e Filmit të Diasporës, ku do të shfaqen disa nga veprat e mërgimtarëve tanë nëpër komunat e Kosovës.

Java e Filmit starton sonte, ndërsa karvani i filmit shqiptar do të vazhdojë rrugëtimin edhe në komunat e tjera përgjatë javëve në vazhdim.