Prishtinë, 6 gusht - Dy shpirtra të vetmuar Lumi dhe Yllka takohen në kulmin e një ndërtese të lartë ne Prishtinë. Lumi don t’i vrasë të gjitha sorrat, të cilat i fajson për humbjen e familjes në aksident komunikacioni.

Yllka një vajzë e re e cila poashtu është në kërkim të djalit të saj të adaptuar prej të cilit kishte hequr dorë qe nga lindja e tij 5 vite më herët. Bëjnë marrëveshje të ndihmojnë njëri tjetrin, t’i vrasin sorrat dhe të kidnapojnë djalin e Yllkës.

Kjo është storja e filmit të metrazhit të gjatë “Histori Maje Kulmi” me skenar nga Gazmend Nela dhe Arian Krasniqi dhe regji nga Gazmend Nela që fillon xhirimet me datë 07.08.2015 në Prishtinë. Xhirimet do të zgjasin një muaj ndërsa premiera pritet të jetë vitin e ardhshëm.

Në rolet kryesore janë aktorët Xhevdet Doda dhe Mona Mustafa.

Ky film është prodhim i shtëpisë filmike ‘Frame Production’ me producent Arben Shala dhe “Ikone-Studio” me producent Valon Bajgora dhe Yll Uka dhe është i mbështetur nga Qendra Kinematografike e Kosovës.