Stokholm, 27 maj - Emine Gashi, vajza nga Bujanovci, prej dy vitesh vazhdon mësimet në shkollën e mesme “Huddinge Gymnasiet” në Stokholm të Suedisë për modë dhe media.

Atje ajo njihet me emrin Emmy dhe është vetëm 17-vjeç. Bukuroshja, sapo i ka nënshkruar dy kontrata shumë të mira me kompanitë e njohura, “H&M” dhe “Kappahl” në Suedi.

Bukuria dhe eleganca e shqiptares, që ka pasion notin dhe vallëzimin, ka rënë në sy, kur ajo ishte në shkollë, ndërsa më pas i është propozuar që të pozojë për kompanitë e njohura.

Të afërmit e saj shprehen se Emmy ka në plan që, sapo të mbarojë studimet në Suedi, të kthehet në vendlindje me ëndrrën për të ndihmuar në fushën e modës në Luginë të Preshevës.