Portofino, 8 shtator - Beyonce ka mbërritur në Portofino për të kaluar pushimet së bashku me bashkëshortin Jay Z dhe vajzën Blue Ivy.

Pas plazheve të jugut të Francës, këngëtarja kishte zgjedhur Italinë. Ajo kishte një pamje shumë festive: bikini me motive të luleve dhe në trup kishte pikturuar forma shumë interesante në ngjyrë të artë.

Çifti po i shijon maksimalisht këto pushime edhe pse po qarkullojnë zërat për një ndarje mes tyre.

 Pasi kanë shëtitur me një jaht luksoz “Alfa Nero”, ata kanë zbarkuar duke shijuar Portofinon dhe drekën në shoqërinë e miqve dhe familjarëve më të afërt.
 
Pak ditë më parë ajo festoi 33-vjetorin dhe në morinë e urimeve që diva e muzikës mori ishte edhe ai i Michelle Obamas.

“Gëzuar ditëlindjen Beyonce! Ti je një model i jashtëzakonshëm, një nënë fenomenale dhe një mikeshë e mrekullueshme. Shpresoj të kalosh një ditë të paharrueshme”, shkruan Zonja e Parë në SHBA në “Twitter”.