New York, 25 shtator - Beyonce, e cila u nënë për herë të parë në muajin janar, duket në superformë dhe gati për të kaluar mbrëmje të këndshme jashtë me bashkëshortin dhe shoqërinë e saj.

Këngëtarja dukej e magjishme me një fustan \'leopart print\' të stilistit Roberto Cavalli, ndërsa në këmbë mbante një palë këpucë të larta. Me flokë të lëshuara mbi supe, artistja dukej e rrëzëllitëse.

Prindërit e rinj e lanë vajzën e tyre Blue Ivy në shtëpi, ndërsa për vete shijuan disa koktejle në \'La Marina Restaurant Bar Beach Lounge\' në \'New York City\'.

Beyonce, gishtat e dorës së majtë i kishte zbukuruar me nga një unazë, ndërsa dekolteja e fustanit ishte tejet e guximshme. Bashkëshorti i saj Jay-Z, dukej se po e shijonte mbrëmjen, duke tymosur një puro me miqtë e tij.