Kaliforni, 22 prill - Ben Affleck ishte në qendër të vëmendjes këtë javë pasi që u zbulua se ai kishte kërkuar nga producenti i emsionit Finding Your Roots që të mos tregoj se një nga paraardhësit e tij kishte mbajtur skllevër. 

Në lidhje me këtë ai postoi një sqarim të gjatë në facebook, përmes të cilit i njofton adhuruesit e tij se emisioni Finding Your Roots nuk është program i lajmeve por është një program ku njerëzit mund të ofrojn informacione rreth rrënjëve të tyre në mënyrë vullnetare dhe se ata nuk duhet ti transmetojnë gjërat që do ti turpërojnë njerëzit.

Përkundër kësaj ai thotë se është i kënaqur që kjo situatë në njëfarë mënyre ka kontribuar në diskutimin nacional për skllavërinë, racizmin dhe çështje tjera të ndjeshme me ta cilat popujt duhet të pajtohen.