Pejë, 3 maj - Anibar organizon shfaqjen e filmit Human The Movie në Kinemanë Jusuf Gërvalla në Pejë, pjesa e parë e filmit do të shfaqet me 7 Maj në ora 18:00, pjesa e dytë e filmit me 14 Maj në ora 18:00 dhe pjesa e tretë shfaqet me 21 Maj në ora 18:00.

Human është një përmbledhje e ngjarjeve dhe imazheve për botën tonë, e cila ofron një zhytje në bërthamën e asaj se qka nënkupton të jesh njeri. Përmesë këtyre ngjarjeve të mbushura me plotë dashuri dhe lumturi, si dhe me urrejtje e dhunë, HUMAN na sjell ballë për ballë me Tjetrin, duke na bërë që të reflektojm për jetët tona.

Prej ngjarjeve të përvojave të përditshme deri tek takimet me jetët më të pabesueshme, këto takime prekëse ndajn një siqeritet të rrallë dhe vendosin theks në atë se qka jemi – anën tonë të errët, mirëpo edhe pjesën tonë fisnike, dhe pjesët të jetëve tona të cilat të gjithë i ndajmë.

TOKA jonë shfaqet përmesë pamjeve ajrore në formën më madhështore të saj, e shoqëruar me muzikë, që rezulton në një poemë lirike për vlerësimin e bukurisë së botës sonë, e që na mundëson momente për të marr frymë thellë dhe për vlerësim të vetvetes.