Hollywood, 24 shtator - Angelina Jolie vuan nga Hepatiti C. Lajmin e bën të ditur ‘National Enquirer’, një revistë e njohur për lajme bombastike, por që rrallë gjejnë konfirmim.

Sipas revistës, dobësia e aktores së famshme hollivudiane i detyrohet hepatitit C që e ka marrë kur ishte e re, në kohën që abuzonte me drogën e alkoolin.

‘National Enquirer’ shton gjithashtu se Jolie është në listën e pritjes për një transplant mëlçie.

Të menjëhershme kanë qenë reagimet e stafit të protagonistes së filmit ‘Salt’. Zëdhënësja ka deklaruar se ky lajm është 100% i rremë dhe se eleganca e tepruar e Jolie vjen nga udhëtimet e shumta dhe lodhja në sheshxhirime.

Angelina Jolie ka disa ditë që është kthyer nga një vizitë në një kamp refugjatësh sirianë në Turqi.