Prishtinë, 22 prill - Me rastin e 22 Prillit ditës së tokës, Let’s Do It Kosova organizon aktivitete të ndryshme që kanë për qëllim adresimin e problemit të ndotjes së mjedisit në Kosovë.

Aktivitetet do të fillojnë që nga mëngjesi ku do të organizohen aksione për pastrimin e deponive ilegale të mbetruinave dhe mbjellje të drunjëve në shtatë Komuna të Kosovës, ndërsa aktivitetet kryesore do të mbahen në Prishtinë duke filluar nga ora 13:00, në Lagjen Mati 1 rruga B afër rrethrrotullimit  të dytë. 

Në këtë aktivitet do të marrin pjesë aktorë, gazetarë, këngëtarë, sportistë dhe shefi i zyrës  BE– së në Kosovë, Samuel Zbogar, ku do të bëhet pastrimi i mbeturinave dhe do të jepen deklarata për media.

Gjithashtu në ora 14:30, si vazhdimesi do të kemi aksionin në fshatin Dobrusht të Prizrenit ( afërr liqenit të Vërrmicës), së bashku me ministrin e Ministrisë së Mjedisit dhe Planifikimit Hapësinor të Kosovës, banorët e fshatit, organizatat SËG dhe NALAS,  banorët lokal, vullnetarët nga Let’s do It Kosova dhe organizaten FINCH .

Problemi i ndotjes së mjedisit në Kosovë vazhdon të mbetet shqetësim serioz dhe akoma po vazhdon neglizhenca e të gjithëve pa përjashtim.