Oslo, 10 janar - Kompania norvegjeze e energjisë Statoil bëri të njohur zbulimin e një sasie të konsiderueshme nafte në detin Barenc, ku mendohet se mund të ketë naftë me sasinë e deri 300 milionë fuçive.

Kompania e bëri njoftimin sot për gjetjen e naftës në zonën Havis, vetëm 7 kilometra larg zonës tjetër naftëmbajtëse, Skrugard.

Të dyja këto zona naftëmbajtëse të Norvegjisë mbulohen nga të njëjtat liçenca prodhimi, që ndahen mes kompanive norvegjeze Statoil, asaj italiane Eni dhe kompanisë shtetërore norvegjeze Petoro.