Frankfurt, 22 shkurt - Specialistët për “tuning” nga “Vorsteiner” kanë vendosur që në “Facebook” të paralajmërojnë programin e tyre të përpunimit të të fuqishmit BMW M6.

Gjykuar në bazë të fotografive të cilat kompania i ka publikuar në rrjetin shoqëror, ndryshimet janë bërë me stil, ndërsa modeli është pajisur me spojlerin e parmë nga fibrat e karbonit, kornizën e zezë për rrjetën e parme dhe allu-fellnet e veçanta.

Mund të vërehen edhe pragjet tjera të bërë nga fibrat e karbonit, spojleri i pasmë i vendosur në kapakun e bagazhit dhe difuseri agresiv.

Siç bënë të ditur “Vorsteiner”, modeli është e mundshme të pajiset me sistemin sportiv të hedhjes jashtë të gazrave, por nuk është bërë e ditur a mundet kjo të rrisë forcën e motorit V8 bi-turbo 4.4-litra i cili në versionin standard zhvillon 560 KF dhe 680 Nm të momentit rrotullues.