Pekin, 17 prill - Volkswagen në panairin e automobilave në Pekin do të prezantojë konceptin e Golf R 400 i cili nën “haubë” do të ketë motorin me madje 400 kuaj fuqi.

Volkswagen deshi të impresiononte fansat e modelit të vet më të popullarizuar, dhe, ndaj do të konstruktojë Golf R i cili në raport me 300 kuaj fuqi sa ka versioni standard, versioni i ri do të ketë edhe 100 kuaj fuqi më shumë.

Nuk është kumtuar se cili lloj motori do të përdoret në këtë koncept, por dihet se Golf R për lëvizje përdor motorin katër cilindrikë 2.0 litra turbo- benzinë.

Golf R 400 shpejtësinë nga 0 deri në 100 km/h e arrin për 3,9 sekonda që është një sekondë më pak se sa te modeli serik. Shpejtësia maksimale e tij dot ë jetë 282 km/h, e forcën e motorit e shpërndan në katër rrotat.