New York, 2 korrik - Volkswagen Beetle në sallonet amerikane do të arrijë në shtator, ndërsa 600 kopjet e para do të jenë pjesë e serisë së kufizuar me emrin Black Turbo Launch Edition.

Beetle Black Turbo Launch Edition do të lëviz me motorin turbo-benzinë 2.0 litërsh TSI me katër cilindra me 200 kuaj fuqi dhe moment rrotullimi prej 280 Nm, në kombinim me transmisionin DSG.

Në mesin e pajisjeve, mes tjerash gjenden edhe fellnet nga alumini prej 18 inçëve, pincat e kuqe të frenave, spojleri i pasmë, dritat për mjegull, Bluetooth, lidhja iPod, sistemi i zërimit RCD 310 me 8 zmadhues zëri, pedale alumini dhe ulëse sportive. Çmimi i tij do të jetë 24.950 dollarë.