Tokio, 10 shkurt - Shtypi japonez njofton se firma Toyota do t’u kërkojëqindra mijëra qyetarëve të çojnë për riparim falas makinat  hibridePrius, një prej modeleve më popullore të Toyotës, që kanë frenadifektoze.

Toyota nuk e ka konfirmuar këtë njoftim. Problemi me frenat mund të jetë i pranishëm në 270 mijë makina Prius që janë në përdorim në Japoni dhe në Shtetet e Bashkuara. 

Toyota ka marrë rreth 100 ankesa nga individë të ndryshëm, që thonë se në situata të caktuara,  përkohësisht, frenat duket se pushojnë së funksionuari. 

Toyota, firma më e madhe në botë e prodhimit të makinave, ka tërhequr nga qarkullimi miliona makina të tjera të modeleve të ndryshme, që kanë probleme me pedalin e gazit.

Kongresi amerikan ka kërkuar zhvillimin e senacave dëgjimore lidhur me problememt me makinat Toyota. Seanca e parë pritet të zhvillohet të mërkurën, kur për të dëshmuar janë thirrur, presidenti i filialit të Toyotës për Amerikën e Veriut, Joshimi Inaba, si dhe zyrtarë amerikanë të sektorit të transportit dhe sigurisë.