Tiranë, 16 korrik - Rreth 1000 punonjës të Fierit dhe të Ballshit po protestojnë për bllokimin e rafinerive të naftës nga hetimi tatimor.

Punonjësit janë mbledhur para Kombinatit të Përpunimit të Thellë të Naftës (KPTHN) në Ballsh dhe i bëjnë thirrje instancave të larta shtetërore që të zhbllokojnë menjëherë situatën.

Punonjësit bënë me dije se janë autobotet me bitium janë bllokuar pa urdhër dhe prej 4 ditësh puna në rafineri është pezulluar.

Froca të shumta policie formuan dy kordone për të penguar punonjësit, ndërkohë që autoritete rafinerisë u shprehën se në rast se kjo situatë vijon autobotet rrezikojnë të shpërthejnë.

Pjesëmarrësit në tubim kërcënuan se në rast se ky problem nuk do të zgjidhet, atëherë ato përshkallëzojnë protestat.