Washington, 13 korrik - Qeveria amerikane pas dy dështimeve para gjykatave ka vendosur një moratorium të ri për shpimet në thellësi të detit, për nxjerrjen e naftës.

Këtë e bëri të ditur ministri i Brendshëm Ken Salazar në Uashington. Moratoriumi do të zgjatë deri më 30 nëntor dhe vlen për të gjitha llojet e shpimeve.

Salazar deklaroi se pauza është e domosdoshme, për shkak të katastrofës humanitare në Gjirin e Meksikës, me qëllim që të evitohen të gjitha rreziqet për përsëritjen e një rasti të tillë.