Washington, 29 janar - Shtetet e Bashkuara të Amerikes (ShBA) deklaruan vënien e sanksioneve ndaj kompanisë venezuelase të naftës PDVSA.

Në një deklaratë të Departamentit të Thesarit thuhet se PDVSA-ja është një kompani shtetërore e Venezuelës dhe një ndër burimet kryesore të të ardhurave fiskale dhe valutore të këtij vendi.

Sipas deklaratës, pasuritë e kësaj kompanie në ShBA do të ngrijnë dhe shtetasit amerikanë nuk mund të bëjnë biznes me të.

Qeveria amerikane njohu më 23 janar kryeparlamentarin dhe drejtuesin e opozitës së Venezuelës Juan Guaido si "president të përkohshëm" të vendit, duke thënë se ShBA-ja do të vazhdojë të ushtrojë trysni ekonomike dhe diplomatike ndaj Venezuelës.

 Në të njëjtën ditë, presidenti venezuelas Nicolas Maduro shpalli ndërprerjen e marrëdhënieve diplomatike të vendit të tij me ShBA-në.