Stokholm, 4 dhjetor - Koncerni suedez i prodhimit të automobilave Saab, i cili në vitin 2011 shpalli falimentimin e vet, të hënën rifillon prodhimin e automjeteve në uzinën në Trollhättan, në perëndim të Suedisë.

Kompania ka në plan të rifillojë prodhimin e makinës së famshme \"Saab 9-3\". Me kalimin e kohës bordi drejtues i koncernit synon të fillojë prodhimin e automjeteve elektrike, të bazuara në modelin e sipërpërmendur.

 Vitin e kaluar Saab u ble nga grupi suedezo-kinez investitorëve National Electric Vehicle Sweden (Nevs) dhe në shtator të këtij viti njoftoi sërish mbi rifillimin e prodhimit të automobilave.