Moskë, 12 dhjetor - Kompania ruse e prodhimit të automobilëve "AvtoVAZ" nisi montimin e “Nissan Almera”.

Startimi i shitjeve të makinave “Nissan Almera”, të prodhuara në Rusi, planifikohet për në shkurt të vitit 2013.

Në të njëjtën kohë do të shpallet zyrtarisht edhe çmimi i makinës. Kapaciteti i prodhimit do të jetë 60-70 mijë makina në vit. Planifikohet që fabrika të arrijë këto shifra në pranverë të vitit 2013.

"AvtoVAZ" është një nga ndërmarrjet më të mëdha të industrisë së automobilave në Evropën Lindore. Kapaciteti i saj prodhues lejon montimin e më shumë se 800 mijë makinave në vit.