RütInvest GmbH dhe Amia do të nisin ndërtimin e 145 vilave në Pejë
Armend Susuri këshilltar për media i projektit ka bërë të ditur se do të ndërtohet një lagje e madhe ekskluzive, në një hapësirë prej rreth 10 hektarësh e që do të ketë një pamje të shkëlqyer të qytetit në pjesën veri-perëndimore të Pejës.
Vilat sipas tij përbëhen nga 480 m2 që nënkupton hapësirën e shfrytëzueshme nga banorët dhe do të krijojnë një ambient me shumë ndriçim që do t’u mundësojë banorëve të saj të kenë një stil jetësor të qetë.
Susuri ka thënë se arkitektura moderne dhe dizajni elegant do të bashkohen në harmoni të plotë me njëri-tjetrin.
Këto vila do të ofrojnë arkitekturën moderne të kombinuar me elemente tradicionale dhe të krijuara posaçërisht për jetë familjare.
"Vilat janë të dizajnuara për familjet me kërkesa të larta për rehati, funksionalitet, strehim cilësor, prodhimin e energjisë së pastër ekologjike dhe përdorimin e mediave moderne", ka theksuar ai.
Të gjitha vilat sipas Susurit do të pajisen me kabllo fibër optike dhe me sistem të integruar satelitor ultramodern.
Ai ka thënë se ajo çfarë e bën këtë zonë edhe më tërheqëse për banim është se do të ketë furnizim të përhershëm të ujit nga malet e Pejës, energjisë diellore dhe ngrohjes nga burime natyrore.
Në këtë lagje, do të ketë objekteve rekreative, një shesh lojërash për fëmijë dhe një fushë shumë-funksionale sportive .
Susuri ka bërë të ditur se shitjet do të fillojnë këtë verë dhe faza e ndërtimit do të fillojë në vjeshtë. Familjet mund të hyjë në vilat e reja, deri në verën e vitit 2013.
RütInvest GmbH ka arritur sukses të konsiderueshëm në dhe me kompanitë e saj që ajo bashkëpunon, në sajë të aftësive të saj sipërmarrëse dhe përvojës në çdo sektor të korporatës.
Kompanitë në konsorcium të përfitojnë nga përvoja dhe rrjeti i RütInvest GmbH kur rrisin efikasitetin e divizioneve të shitjeve, rritjen e kapaciteteve të prodhimit dhe në gjenerimin e rritjes së qëndrueshme.
