Moskë, 22 mars - Të enjten "Rosneft" përfundoi të gjitha formalitetet ligjore dhe financiare për blerjen e 100% të aksioneve të kompanisë “TNK-BP” nga kompania britanike “British Petroleum” (BP) dhe konsorciumi rus “AAR”, njoftoi kompania më e madhe ruse e naftës.

Transaksioni u krye njëkohësisht në disa pika gjeografike, duke përfshirë edhe zonat offshore të ishujve Karaibe, Qipros dhe Europës.

Drejtuesi i "Rosneft" Igor Seçin dhe Kreu i BP Robert Dudley informuan Presidentin rus Vladimir Putin mbi përfundimin e transaksionit.