Shkup, 19 maj - Qarkullimi në industrinë e Maqedonisë është rritur për 16.7 për qind në mars të këtij viti, në krahasim me muajin e njëjtë të vitit 2010, tregojnë të dhënat e Entit shtetëror për statistikë.

Qarkullimi në industrinë, i realizuar në tregun vendor për periudhën e njëjtë shënon rritje prej 14.7 për qind, ndërsa qarkullimi i realizuar në tregjet e huaja është rritur për 18.1 për qind.

Shikuar sipas sektorëve, qarkullimi në industrinë në sektorin e minierës dhe nxjerrjes së gurëve, shënon rënie prej 4.5 për qind, ndërsa qarkullimi në industrinë përpunuese ka rritje prej 18.1 për qind.