Berlin, 24 mars - Qeveria e Shteteve të Bashkuara ka akuzuar para një gjykate federale në Uashington koncernin gjerman të automjeteve Daimler, për shkak të dhënies së ryshfeteve në të paktën 22 vende.

Sipas të dhënave  të Ministrisë së Drejtësisë së SHBA-së, zyrtarët e Daimlerit kanë korruptuar zyrtarë të lartë qeverisës, ndër të tjera në Kinë dhe Rusi  në mënyrë që të sigurojnë kontrata fitimprurëse.

Në njoftimet e agjencive nga Uashingtoni thuhet se Daimler kishte arritur një marrëveshje me autoritetet amerikane për një pagesë gjobë prej 185 milionë dollarë. Akuzat kanë të bëjnë me vitet 1998 deri në vitin 2008.

Gjatë kësaj kohe koncerni gjerman Daimler vepronte së bashku me koncernin amerikan të automjeteve Chrysler.