Prishtinë, 20 janar -  Zëvendëskryeministri, njëherësh ministri i Punëve të Jashtme, Hashim Thaçi, ka thënë se “çështja e Trepçës nuk do të diskutohet me askënd sepse është pasuri e Kosovës”.

Thaçi këtë deklaratë e bëri gjatë takimit me homologun e tij austriak, Sebastian Kurz.
Paralajmërimet e Qeverisë së Kosovës, që ndërmarrja “Trepça” të kalojë në pronësi të saj, po kundërshtohen ashpër nga Beogradi zyrtar.

Kryeministri i Serbisë, Aleksandar Vuçiq, ka deklaruar se për “Trepçë”-n do të flitet në Bruksel. “Temën e pronësisë në Bruksel nuk e kemi hapur ende dhe kërkojmë të bisedojmë tani, e jo që pasuria së pari të na merret brenda natës, pastaj të na thonë ejani të bisedojmë sepse i keni edhe dy miniera të vogla në veri”, ka thënë Vuçiqi.