Prishtinë, 9 nëntor - Ambasadori norvegjez në Kosovë, Jan Braathu, dhe përfaqësuesi i iniciativës “Ta Pastrojmë Kosovën”, Luan Hasanaj, në një takim me Ministrin e Mjedisit, Dardan Gashi kanë shprehur gatishmërinë për përkrahjen e tyre në projektin për furnizimin e komunave të Kosovës me rreth 1000 kontenjerë të mbeturinave.

Sipas kërkesës së ambasadorit Braathu, kontenjerët për mbledhjen e mbeturinave komunale do të duhet të jenë të prodhuara në Kosovë.

Në këtë mënyrë do të sigurohet një rreth i bashkëpunimit ndërmjet donatorëtve, institucioneve dhe grupeve të biznesit në vend.

Kontenjerët do t’u dhurohen komunave ku deponitë ilegale janë dukshmërisht të rrezikshme për shëndetin e njerëzve dhe mjedisit.